En breve tódalas fotos

Mugardos - Lisboa - Mérida

Aquí temos, por cortesía de Fran, a estampa dunha pila de minimugardeses no teatro romano de Emerita Augusta. ¿Alguén se recoñece?

A idade de ouro da SD Montefaro

Este foi un bo documento gráfico para botar contas dos nomes que nos quedaban. Nin están todos os que somos, nin somos todos os que están, pero hai unha boa recua: Carolina, Miguel, Fran, Rebeca, Jesús, Cholo, un menda, Josi, Sandra, Rocha, Silvia, Luz, Simón e Lucía. Habería que mirar de facer copias... ;)

Tamén estas ti, Pablo. Unha aperta moi forte de todos nós alá onde esteas, compañeiro.

21 de Xullo, ás 22:00 no Milenio (a carón do Casino)

Haberá cea. Para tódolos que comezabades a mosquearvos coa nula actualización desta convocaweb dicirvos que un menda bota fume polas orellas e ás veces non da feito (escusas). O conto é que logo dalgúns tiróns de orellas e alguns folgos apaixoados dalgún venres noite no Trope decidimos que había que poñer día, hora e lugar a tan magno evento. A data: o sábado da "Festa do Polbo". O lugar: o "Milenio", ideal se temos en conta que era imposible reservar ese día unha cea multitudinaria como será esta en calquera dos locais do peirao. A hora: non antes das 22:00 por cuestións puramente técnicas, inda que algúns nos autoconvocaremos unha horiña antes para botarlle unhas nas Tradicións.

Iso si, confirmade asistencia o máis tardar o mércores 18 no teléfono que tendes na tarxetiña (non poño o meu teléfono en internet que me da un ataque).

Haberá algunha sorpresiña...